Día de Rosalia 2022 (23 de febreiro)

O Día 23 de febreiro conmemórase o día de Rosalía de Castro. O CEIP Carlos Casares súmase como cada ano á proposta da Asociación de Escritoras e Escritores en Lingua Galega (AELG).

Para a edición de 2022 Beatriz Maceda Abeleira foi a escritora escollida para a redacción do Manifesto da AELG, que será lido no acto central do Día de Rosalía de Castro, o sábado 19 de febreiro no Panteón de Galegos Ilustres, en Santiago de Compostela. O texto será tamén lido en todos os actos promovidos pola AELG, así como nos organizados por outras entidades que se sumen ás propostas que a entidade remitirá a concellos, asociacións e centros de ensino.

O lema escollido para este 2022 é: #SementadePensamentos

O cartel pode ser descargado en formato pdf aquí, e en jpg aquí. O formato para imprenta tamén se pode descargar nesta ligazón

Chegou o Entroido a Vilariño!!

A Galinha Azul na entrada do CEIP Carlos Casares

No CEIP Carlos Casares de Vilariño estamos vivindo con grande emoción O Entroido 2022. Sempre é unha festa moi ilusionante e laboriosa nos centros educativos e terá como data máis representativa o venres día 25 de febreiro. Ese día compartiremos con toda a comunidade educativa os nosos disfraces e carautas que terán en Cantares do Brión a nosa inspiración.

Ao longo de toda a semana o nosa querida Galinha Azul fixo de meco e deu ordes para traer diferentes complementos ao cole e, como non podía ser doutro xeito, foi correspondida polo alumnado e o profesorado. 

Viva o Entroido!!!

Día da Paz 22

Como cada 30 de xaneiro os centros educativos conmemoramos o día Escolar da Non Violencia e da Paz.

Este ano démoslle un toque artístico-musical da man das nosas madriñas e padriños que nos enviaron un vídeo no que interpretan o poema musicado de Eugenio de Andrade "Não quero, não".

 

No cole, demais de cantar esta fermosa peza, pictamos a súa letra e serviunos de inspiración para unha exposición de cadros de Menchu Lamas na que cada curso facía unha recensión e interpretación escrita reflexionando sobre o que lles evocaba.

 

Obradoiro para a eleboración de Carautas maxistralmente impartido por Nardo.

 O martes día 1 de Febreiro tivemos a sorte de coñecer e compartir con Nardo unha xornada de aprendizaxe moi interesante. Este membro do coro Cantares do Brión aportounos os seus coñecementos e habilidades no manexo e elaboración de carautas con papel e cartón desenvoltas en máis de trinta anos como mestre e participante activo en diferentes asociacións pedagóxicas e culturais . 

Agora tócanos ás mestras e mestres do cole achegarlles ao conxunto do alumnado as posibilidades creativas destes materiais e produtos co mesmo entusiasmo e ilusión coas que Nardo o fixo con nós. 

Mil Grazas Nardo!!